Një aksident i rëndë rrugor ka ndodhur pasditen e sotme rreth orës 14:15 në zonën e njohur si “Antena”, në Qafë-Buall të Bulqizës.
Si pasojë e përplasjes së makinës humbën jetën Burhan Gjoka dhe Destan Gjeta.
Ata ndërruan jetë kur mjeti tip “Nissan” me të cilin po udhëtonin doli nga rruga. Nga aksidenti u plagos edhe shtetasi me inicialet A. Gj., i cili është në spitalin e Traumës.
Sipas informacionit paraprak të policisë, një automjet tip “Nisan” ka dalë nga rruga, duke shkaktuar humbjen e jetës së dy personave. Viktimat janë identifikuar si B.Gj. dhe D.Gj., ndërsa një tjetër pasagjer në mjet, shtetasi A.Gj., ka mbetur i plagosur dhe po transportohet me urgjencë drejt spitalit për ndihmë mjekësore.
Në vendngjarje kanë mbërritur forcat e policisë dhe grupi hetimor, të cilët po punojnë për të zbardhur shkaqet dhe rrethanat e këtij aksidenti tragjik.
