Një aksident i rëndë me pasojë humbje jete ka ndodhur mesditën e sotme në aksin rrugor Memaliaj-Mallakastër. Dy automjete, një Range Rover dhe një Mercedes Benz, janë përplasur me njëra-tjetrën, duke shkaktuar një bilanc tragjik.
Si pasojë e përplasjes, ka humbur jetën një fëmijë 10-vjeçar, ndërsa tre persona të tjerë ndodhen në gjendje të rëndë shëndetësore dhe janë dërguar me urgjencë në spital.
Sipas informacioneve paraprake, në njërin prej automjeteve ndodheshin dy shtetas ukrainas. Ende nuk dihen rrethanat e sakta të aksidentit, ndërsa policia ndodhet në vendngjarje dhe ka nisur hetimet për zbardhjen e plotë të ngjarjes.
