Një aksident rrugor është shënuar këtë pasdite në kryqëzimin që lidh Lagjen e Vjetër me Lagjen e Re në Bulqiz, ku dy makina tip ‘Mercedes Benz’ janë përplasur me njëra-tjetrën.
Si pasojë janë lënduar dy drejtuesit e dy mjeteve, si dhe janë shkaktuar dëme të mëdha tek të dyja makinat. Siç shihet edhe nga pamjet, aksidenti ka qenë shumë i frikshëm, duke rrezikuar jetën e kalimtarëve që lëvizin në trotuar si dhe jetën e shitësit të biznesit.
Ndërkohë, policia ka nisur hetimet rreth këtij aksidenti. Aktualisht në këtë kryqëzim mungon edhe sinjalistika, edhe pse ka lëvizje të kalimtarëve.
