Skënder Gega pas eliminimit të Partizanit nga Conference League e “Demave të Kuq” ka vendosur të largohet nga drejtimi i Partizanit. Në një situatë të tillë, drejtimin e Partizanit do ta marrë Arbër Abilaliaj.
Në pozitën e drejtorit sportiv, Abilaliaj duhet te gjejë trajnerin për sezonin e ardhshëm.
Vendimi i Skënder Gegës për t’u larguar nga drejtimi i Partizanit ka qenë i papritur edhe për tifozët. Ata kanë mbetur shumë të zhgënjyer nga bordi, i cili e pati të pamundur për t’i ndryshuar mendjen 61-vjeçarit.
Në rrjete sociale kanë shpërthyer komentet e tifozëve, duke e vendosur “gishtin” e fajtorit te vendimarrësit. "Partizani është ngarkuar me drejtora e superdrejtora që kullosin me pazaret e Demit”, janë shprehur tifozët.
Ky ishte rikthimi i dytë i Skënder Gegës në stolin e të kuqve, ku ai drejtoi ekipin në 11 ndeshje, duke arritur një mesatare prej 1.55 pikësh për ndeshje. Dorëheqja vjen pak ditë pas eliminimit të hidhur të Partizanit nga estonezët e Nõmme Kalju në turin e parë të UEFA Conference League, një dështim që ka sjellë trazira në ambientin e klubit.
