Sulmuesi i njohur shqiptar, Armando Sadiku, ka gjetur skuadrën e re. Ai ka firmosur me ekipin zviceran Bellinzona, që militon në ligën e dytë të Zvicrës.
Lajmi është bërë i ditur nga vetë klubi përmes një postimi në rrjetet sociale, ku thuhet:
“Armando Sadiku është lojtari i ri i Bellinzonës. Mirë se erdhe!”
Sadiku, i lindur në vitin 1991, ka një karrierë të pasur në futbollin europian. Ai ka luajtur më parë për ekipe si Zyrih, Lugano, Legia Varshavë dhe Levante, duke grumbulluar përvojë në liga të forta si Superliga zvicerane, Ekstraklasa polake, La Liga spanjolle dhe të tjera.
Po ashtu, Sadiku ka zhvilluar mbi 30 ndeshje me Kombëtaren shqiptare, ku kujtohet për golin historik kundër Rumanisë në Euro 2016 – fitorja e parë dhe e vetme e Shqipërisë në një kampionat europian.
Me këtë përforcim, Bellinzona shpreson të forcojë repartin e sulmit dhe të ngjitet më lart në renditje.
View this post on Instagram
