Pas raportimeve në media se këngëtari i njohur Shpat Kasapi ishte përfshirë në një incident gjatë një dasme, ku thuhej se ishte dhunuar nga disa dasmorë, vetë artisti ka reaguar përmes një postimi në rrjetet sociale, duke hedhur poshtë zërat dhe sqaruar situatën.
Në një InstaStory, Kasapi u shpreh se është në gjendje të mirë shëndetësore dhe se lajmet janë ekzagjeruar më shumë sesa duhej.
“Të dashur miq, unë jam mirë me shëndet, falë Zotit. Ju lutem mos e ekzagjeroni shumë lajmin, ishte një keqkuptim me dasmorët, asgjë tjetër për t’u shqetësuar,” – shkruan këngëtari.
