Selena Gomez ka treguar së fundmi historinë e bukur që fshihet pas miqësisë së saj të gjatë me Taylor Swift. E ftuar në podcastin “Therapuss”, këngëtarja dhe aktorja e njohur u kthye pas në kohë dhe tregoi se si, kur ishte vetëm 15 vjeçe, u bë shoqe me Taylor-in, që në atë kohë ishte 18.

Sipas saj, gjithçka nisi kur të dyja po dilnin me dy nga vëllezërit Jonas. “Unë po dilja me Nick Jonas dhe ajo me Joe Jonas. Ishim shumë të rinj… Nuk dinim çfarë po bënim,” tha Selena duke qeshur, duke përshkruar kohën rreth vitit 2008, kur të dyja ishin yje në rritje në Disney dhe muzikë.

Pasi të dyja përjetuan ndarje, ato u afruan edhe më shumë. “U bëmë shoqe të ngushta gjatë ndarjes. Lidhemi siç lidhen vajzat në ato raste,” tha Selena. Që nga ajo kohë, ato kanë qëndruar pranë njëra-tjetrës në çdo moment të jetës së tyre – të bukur apo të vështirë – dhe sot, 16 vite më vonë, miqësia e tyre vazhdon po aq e fortë.

“Qeshim kur themi që gjëja më e mirë që morëm nga ato lidhje ishim ne vetë, njëra-tjetra,” shtoi Selena me dashuri. Ajo kujtoi gjithashtu pamjen e Taylor Swift në atë kohë: “Ishte Taylor me flokë kaçurrela, shumë byzylykë dhe stilin e saj të veçantë të adoleshencës.”