Fedez ka bërë publike lidhjen e tij të re me stilisten Giulia Honegger. Reperi ka postuar disa foto në Instagram, ku shihet duke pushuar me të dashurën e re. Në një prej fotove, të dy shfaqen me fytyrat e tyre të rrethuara nga një zemër e bërë me duar, ndërsa në një tjetër, Fedez e fotografon Giulia-n teksa ajo shtrihet me bikini.

Në një tjetër moment romantik, Giulia mbështet kokën në shpatullën e reperit dhe të dy shikojnë drejt kamerës, përmes një filtri në formë zemre. Dyshja po kalon verën së bashku, dhe janë parë më parë në Marina di Pietrasanta, në Versilia, ku kanë shijuar detin dhe mbrëmjet nën yje. Më pas, janë zhvendosur në Sardenjë me miq të përbashkët, dhe pikërisht aty janë postuar edhe fotot e para në rrjetet sociale.

Kjo vjen vetëm pak ditë pas lajmit zyrtar për divorcin mes Fedez dhe Chiara Ferragni. Tashmë, edhe Chiara duket se po i rikthehet dashurisë. Ajo është parë sërish me Giovanni Tronchetti Provera – fillimisht në aeroportin e Malpensas dhe më pas në mal. Ka zëra se ata nuk janë ndarë kurrë vërtet, por kanë zgjedhur të jenë më të kujdesshëm.

Tani, si Fedez ashtu edhe Chiara, po e jetojnë hapur jetën e tyre të re, duke mos fshehur më asgjë nga sytë e publikut.