Këngëtarja e njohur nga Kosova, Fjolla Morina ka përfunduar e shtruar në spital.
Ka qenë vetë Fjolla e cila publikoi në WhatsApp disa pamje nga një ambient spitali, por nuk ka dhënë detaje mbi gjendjen e saj shëndetësore.
“Kujdesi për veten do të thotë të bësh një pushim kur gjërat bëhen të vështira… Thuaji “Jo” gjërave që nuk dëshiron të bësh. Bëj gjëra që të bëjnë të lumtur…”, ka shkruar ajo krahas postimit.
Ndërkohë, sipas informacioneve të “Prive”, dyshohet se Fjolla Morina ka pësuar komplikacione, si pasojë e një mbidoze të mundshme medikamentesh, gjë që ka çuar në përkeqësimin e gjendjes së saj shëndetësore.
Por megjithatë, burime pranë saj bëjnë me dije se Fjolla ndodhet nën kujdesin e stafit mjekësor prej më shumë se 24 orësh dhe fatmirësisht tashmë është jashtë rrezikut për jetën.
