Pas lajmit të bukur për lindjen e djalit të tyre, Dafina Zeqiri dhe partneri i saj Kreshniku janë shfaqur për herë të parë së bashku në publik.
Çifti mori pjesë në një dasmë, ku janë fotografuar të veshur me shumë stil dhe me buzëqeshje në fytyrë. Këngëtarja ka ndarë imazhin në profilin e saj në Instagram, ku ka zgjedhur ta shoqërojë me përshkrimin e shkurtër dhe të ëmbël: “Mami & Babi”.
Kjo dalje e parë pas lindjes ka marrë vëmendje të madhe në rrjetet sociale. Fansat kanë reaguar me urime dhe komente pozitive, duke përgëzuar çiftin për këtë fillim të ri si prindër.
Duket se ata po e përjetojnë prindërimin me shumë dashuri dhe qetësi, duke u rikthyer gradualisht edhe në jetën shoqërore.