Moderatorja e dashur për publikun, Kiara Tito, ka dhënë së fundmi një intervistë për emisionin “Pushime On Top”, ku ka zbuluar çfarë kritike i bën partneri i saj, Luiz Ejlli.

E pyetur nga moderatorja Lei Kraja se kush e kritikon për veshjet, Kiara tha emrin e Luizit dhe duke qeshur shton: “Më thotë mos vish të shkurtra”.

Ish-banorja e “Big Brother VIP 2” shprehet më pas se ajo vijon me këshillat për veshje për këngëtarin, edhe pse tani ai e ka gjetur stilin e vet.

Kush të kritikon më shumë për veshjet?

Mos vish shumë të shkurtra, e unë jam e vetmja që po e hap sfilatën me një fustan të shkurtër.

Ka patur ndonjë episod që të ka thënë Luizi ‘Kiara të lutëm ik ndërrohu, ktheu në shtëpi’?

Ka thënë por nuk është se e kam vënë në zbatim atë këshillë

Po ndonjë postim që Luizi ka thënë hiqe nga “Instagram”-i se nuk bën ose ke marrë shumë komente nga djemtë?

Përtej shakave, ai më vlerëson shumë për mënyrën se si vishem, sepse i vë në zbatim këshillat e mia se vazhdojmë ne edhe jashtë me këshilla për veshjen.

Ti çfarë i thua për veshjet e tij?

Tani nuk është se i ndërhyj shumë se e ka marrë atë stilin e vet, po i them mos vish shumë ngjyra, se ai i ka fiksim bluzat ngjyra-ngjyra, mua më pëlqen më shumë me ngjyra neutrale ose e zezë. Por që vishet bukur.