3 shenjat më me fat të ditës:

Luani

Energjia në maksimum, drita mbi ty

Me Diellin dhe Mërkurin në shenjën tënde, dhe Saturnin që të mbështet, je një magnet suksesi. Sot mund të ndjesh një përqendrim të veçantë energjie që të lejon të ecësh përpara në çdo fushë – qoftë në punë, qoftë në jetën personale. Në dashuri je në formë të shkëlqyer: beqarët mund të përjetojnë takime mbresëlënëse, ndërsa çiftet mund të planifikojnë diçka të rëndësishme. Kujdes vetëm të mos i bësh të gjitha vetë – ndarja e përgjegjësive është çelësi i suksesit.

Binjakët

Idetë rrjedhin, fati të ndjek

Hëna dhe Mërkuri janë në pozicion të favorshëm: kjo do të thotë që sot je i mprehtë, i zgjuar dhe plot entuziazëm. Mund të marrësh një lajm të mirë ose një propozim që të hap dyer të reja. Edhe në dashuri, komunikimi është arma jote e fortë – mjafton një fjalë e vendosur mirë për të ndezur emocionin. Kujdes vetëm të mos shpërqendrohesh nga shumë projekte njëherësh – zgjidh me kujdes ku do ta fokusosh energjinë.

Peshqit

Rilindja emocionale sapo ka nisur

Pas një korriku të lodhshëm, gushti të hap horizonte të reja. Hëna është në anën tënde dhe nga e premtja do të jetë edhe më pozitive. Marsi të lë më në fund rehat dhe Jupiteri të shtyn drejt qëllimeve të reja. Dashuria rikthehet në plan të parë, bashkë me dëshirën për të folur hapur dhe për të mos shtyrë më asgjë. Nëse je në një lidhje, është koha për qartësi; nëse je vetëm, çdo takim mund të jetë një fillim i bukur.

3 shenjat më pak me fat të ditës:

Dashi

Tension, lodhje dhe sfida emocionale

Hëna në kundërshtim sot sjell nervozizëm, pasiguri dhe ndjesinë se gjithçka të sfidon. Në punë ka shumë për të bërë dhe pak durim për t’i përballuar gjërat me qetësi. Ndihesh si në qendër të vëmendjes por në mënyrë të padëshiruar. Duhet të shmangësh reagimet impulsive dhe të mos e teprosh me përfshirjen në çdo betejë. Jepi vetes kohë dhe mos harro: edhe superheronjtë lodhen.

Shigjetari

Optimisti lodhet, por nuk dorëzohet

Venusi në kundërshtim ka sjellë tensione në dashuri dhe ndjenjën e mungesës së vlerësimit në punë. Pavarësisht përpjekjeve të mëdha, nuk po merr atë “faleminderit” që e ke merituar. Kjo të bën të ndihesh i padukshëm. Kujdes me komunikimin – çdo fjalë sot ka peshë. Mos e humb durimin: gushti do të sjellë përmirësim, por për momentin duhen kujdesur nervat dhe duhet lënë pak hapësirë për veten.

Bricjapi

Pesha e detyrimeve ndjehet më shumë

Polemika, stres dhe ndjenja vetmie karakterizojnë ditën tënde. Mund të ndihesh sikur je i vetmi që mban gjithçka mbi supe, ndërkohë që të tjerët presin vetëm që ti të funksionosh si gjithmonë. Në dashuri, distancat fizike ose emocionale mund të krijojnë ftohje. Dita kërkon të jesh më i butë me veten – nuk është e nevojshme të jesh perfekt gjithmonë. Lejoje veten të çlodhesh dhe mos hyj në debate pa dobi.