Presidenti i Republikës Sërbska në Bosnje dhe Hercegovinë tha se nuk do ta pranojë dënimin e dhënë këtë të premte për mosrespektim të vendimeve të përfaqësuesit të Lartë, Christian Schmid.
Trupi gjykues në Bosnje konfirmoi aktgjykimin e shkallës së parë të 26 shkurtit, me të cilin Milorad Dodik është dënuar me një vit burgim dhe ndalim prej gjashtë vitesh për ushtrimin e funksioneve politike.
Por në një konferëncë të jashtëzakonëshme për shtyp në Banjallukë, kreu i entitetit serb, e cilësoi këtë një vendim politik, dhe e bëri të qartë që nuk do ta pranojë.
Ai paralajmëroi se Kuvendi i Republikës Sërbska do të miratojë vendime të reja dhe se duhet të hartohet një “plan i qartë për të dalë nga kjo situatë”, pa dhënë hollësi se për çfarë vendimesh bëhet fjalë.
Dodik paralajmëroi se Republika Serbska duhet të hakmerret dhe se një rrezik i madh i kanoset entitetit serb.. Ai tha se pret mbështetjen e Serbisë dhe rusisë dhe se do t’i drejtohet edhe SHBA.
Avokati i Dodikut, Goran Bubiq, tha pas shpalljes së aktgjykimit se do të dorëzohet një ankesë në Gjykatën Kushtetuese të Bosnjë e Hercegovinës, me qëllim që të tentohet kontestimi i tij.
