NATO deklaroi këtë të mërkurë se ka emëruar një zyrtar të lartë për të udhëhequr punën e aleancës në Ukrainë, si pjesë e një përpjekjeje më të gjerë për të intensifikuar mbështetjen për Kievin.
Patrick Turner, një zyrtar britanik që ka mbajtur poste të larta brenda NATO-s, do të shërbejë si Përfaqësues i Lartë i aleancës në Ukrainë, tha Sekretari i Përgjithshëm Jens Stoltenberg.
“Jam i sigurt se ai do të shkëlqejë në këtë rol të rëndësishëm ndërsa NATO vazhdon të rrisë mbështetjen e saj për Ukrainën,” tha Stoltenberg.
