Louisa Rozova (Elizaveta Krivonogikh), e konsideruar si vajza jashtëmartesore e Vladimir Putinit, ka dalë publikisht me një mesazh të fuqishëm kundër presidentit rus.

Ajo ka publikuar një foto ku tregon fytyrën e saj për herë të parë dhe ka shkruar një frazë që pasqyron dhimbjen e saj personale:

Ndihem kaq mirë t’ia tregoj përsëri fytyrën time botës. Më kujton çdo ditë se si linda – dhe kush ma shkatërroi jetën. Njeriu që mori miliona jetë dhe shkatërroi timen.

Rozova lindi në Shën Petersburg në vitin 2003 me emrin Elizaveta Krivonogikh. Në certifikatën e saj të lindjes, babai nuk figuron, por patronimi i saj “Vladimirovna” ngre dyshime për lidhjen me Putinin.

Pas fillimit të luftës në Ukrainë më 24 shkurt 2022, ajo u largua nga Rusia dhe vendosi të jetojë në Francë, ku vazhdon studimet dhe organizon ekspozita kundër luftës.

Megjithatë, artistë të tjerë rusë kanë kritikuar Rozovën. Një prej tyre, Nastya Rodionova, refuzoi të punonte me galeritë e menaxhuara nga Rozova në Paris, duke argumentuar se nuk dëshiron të bashkëpunojë me dikë që “përfiton nga regjimi rus”.

Në përgjigje, Rozova shkroi në rrjetet sociale:

A jam vërtet përgjegjëse për veprimet e një familjeje që as nuk më dëgjon?

Historia e Rozovës është një pasqyrë e tragjedisë personale që shkakton pushteti i Putinit, dhe një zë kritik brenda një realiteti ku miliona jetë janë prekur nga politika e tij.