Një operacion policor në Greqi ka sekuestruar një sasie prej 271 kilogramësh kokainë, me vlerë të vlerësuar mbi 5.5 milionë euro, të fshehur në një kontejner në Portin e Selanikut. Ngarkesa kishte origjinë nga Amerika Latine dhe ishte e destinuar për në Aspropyrgos të Greqisë.
Gjatë kontrollit, u gjet një ndarje e modifikuar në kontejner, brenda së cilës ishin fshehur 271.150 kilogramë kokainë, e cila u sekuestrua. Ndërsa u sekuestruan 271 kg kokainë, 1 kontejner, 2 automjete, 655 euro, 4 telefona celularë dhe pajisje të kompanisë së transportit (vinç, makinë saldimi, mjete pune etj.)
Gjithashtu u arrestuan një 47-vjeçar, përgjegjës për koordinimin e operacioneve dhe komunikimin me anëtarët kryesorë të rrjetit.
Një 32-vjeçar, që merrej me shpërndarjen e kokainës te anëtarët e tjerë, si dhe një 40-vjeçar, pronar i një kompanie transporti, i cili kishte vënë në dispozicion mjetet dhe ambientet për fshehjen dhe shpërndarjen e drogës.
Ndërkohë po vijojnë hetimet për të identifikuar anëtarët e tjerë të rrjetit kriminal në Greqi dhe Amerikën Latine, përfshirë drejtuesit e organizatës.
