Administrata e Donald Trump po shqyrton planet për të krijuar një “Forcë të Reagimit të Shpejtë për Trazirat e Brendshme ”, e përbërë nga qindra ushtarë të Gardës Kombëtare dhe e ngarkuar me vendosjen e shpejtë në qytetet amerikane që përballen me protesta ose trazira, sipas një raporti në Washington Post sot, i cili citon dokumente të brendshme të Pentagonit.
Dje kreu i Shtëpisë së Bardhë njoftoi se kishte urdhëruar marrjen federale të kontrollit të forcës policore të Uashingtonit dhe vendosjen e 800 anëtarëve të armatosur të Gardës Kombëtare me kompetenca arrestimi, nëse është e nevojshme, me qëllim që - siç tha ai, të adresojë shkallën e lartë të krimit në kryeqytetin e SHBA-së.
Gjatë fundjavës, ai kishte dërguar tashmë përforcime federale në rrugë dhe bëri thirrje që adoleshentët nga mosha 14 vjeç të gjykohen si të rritur, duke e paraqitur kryeqytetin amerikan si një qytet të rrënuar nga bandat e dhunshme të të rinjve.
