Kandidati për president i SHBA-ve, Donald Trump i shpëtoi një atentati me armë zjarri gjatë një mitingu në Pensilvani, teksa u qëllua nga një 20-vjeçar.
Pasi shkëmbyen me shpejtësi urdhrat, anëtarët e Shërbimit Sekret e ndihmuan Trump të ngrihej në këmbë, duke formuar një rreth pranë tij për ta mbrojtur, shkruan CNN.
Pak minuta pas të shtënave, ish-presidenti u largua nga vendi i ngjarjes dhe u fut në një makinë të zezë.
Ndërkohë është zbardhur një video e dialogut të tyre.
Agjenti: Gati? Prisni! Prisni! Shkoni përpara, le të shkojmë! Shkojmë!
Agjenti: A jeni gati?
Agjenti: I armatosuri është neutralizuar! Gati për të shkuar?
Agjenti: Vendi është i pastër
Agjenti: Përpara, zotëri, le të shkojmë.
Trump: Më prit të marr këpucët
Agjenti: Unë po të mbaj
Trump: Prit të marr këpucët e mia
Agjenti: Mbaje në kokë, po të rrjedh gjak
Agjenti: Kujdes. Prisni.
Trump ngre grushtin duke parë njerëzit, ndërsa turma brohorit ‘SHBA! SHBA!”.
Theksojmë se ish-presidenti Donald Trump u qëllua me armë gjatë një mitingu elektoral në Pensilvani. Ai u pa me plagë në veshin e djathtë, ndërsa u dërgua për mjekim në spitalin e zonës.
Pak më vonë Trump ka reaguar sërish në një postim në rrjetet sociale, duke falënderuar mbështetësit për lutjet e tyre dhe Zotin që e kishte shpëtuar.
“Ishte vetëm Zoti që parandaloi të ndodhte e paimagjinueshmja. Ne nuk do të kemi frikë, por përkundrazi do të qëndrojmë të palëkundur përballë ligësisë,” shkroi ish-presidenti në një postim në Truth Social.
