Kronikë

Zhduket teksa tentoi të kalonte lumin Shkumbin, polumbarët e RENEA-s në kërkim të 46-vjeçarit

Shkruar nga Liberale
Zhduket teksa tentoi të kalonte lumin Shkumbin, polumbarët e RENEA-s

Dyshohet se një 46-vjeçar mund ta ketë marrë aksidentalisht rrjedha e lumit Shkumbin.

Alarmin e ngriti vëllai i tij, pasi njoftoi sallën operative se vëllai i tij, 46-vjeçari me iniciale B.P. gjatë mbrëmjes së 20 Qershorit ka qenë duke punuar një sipërfaqe toke buzë lumit Shkumbin dhe që atëherë nuk ishte kthyer në banesë.

Familjarët e 46-vjeçarit kanë dyshime se gjatë kohës që ka tentuar për të kaluar në krahun tjetër të lumit për t’u kthyer në banesë, atë mund ta ketë marrë rrjedha e ujit të lumit Shkëmbin.

Menjëherë pas marrjes së njoftimit, shërbimet e Policisë së bashku me familjarët, kanë nisur kërkimet përgjatë shtratit të lumit Shkumbin.

Gjithashtu, krahas shërbimeve të Drejtorisë Vendore të Policisë Elbasan, janë angazhuar edhe  polumbarët e Repartit Special RENEA, të cilët vijojnë kërkimet në të gjithë rrjedhën e lumit, me qëllim gjetjen e trupit të 46-vjeçarit.

Liberale Newsroom

Poll
SHQIPENGLISH