Aktualitet

Zgjedhjet vendore, Presidenca: Gjykata Kushtetuese i zhgënjeu të gjithë

               Publikuar në : 17:30 - 07/12/21 ro ot

Presidenca ka shprehur zhgënjimin për vendimin e Gjykatës Kushtetuese në lidhje me zgjedhjet vendore të 30 Qershorit 2019, që u kërkua të shpallen antikushtetuese nga Shoqata e Bashkive të Shqipërisë.

Këshilltari i Presidentit Meta, Bledar Dervishaj, në një konferencë shtypi tha se Gjykata Kushtetuese nuk i dha zgjidhje këtij rasti me vendimin e saj që rrëzoi pretendimin për shpalljen antikushtetues të zgjedhjeve 2019.

“Dje presidenti është njohur zyrtarisht me vendimin e Gjykatës Kushtetuese që rrëzoi kërkesën e Shoqatës së Bashkive të Shqipërisë që i kishte kërkuar kësaj gykate shpalljen antikushtetuese të votimeve njëpartiake të Qershorit 2019.

Kjo gjykatë i zhgënjeu të gjithë. Gjykata Kushtetuese për interesa që nuk përkojnë me të popullit shqiptar hoqi dorë nga misioni i saj sublim.

Gjykata Kushtetuese me vendimmarjen e saj për të deklaruar mungesën e funksionit kushtetues e la çështjen pa zgjidhje përfundimtare. Me vendimmarjen e saj gjykata nuk pati vullnet ta zgjidhte këtë çështje por ja la sërish çështjen juridiksionit politik. Gjykata Kushtetuese gjatë veprimtarisë së saj ka cënuar rëndë parimet e transparencës.

Në 23 Qershor, Gjykata Kushtetuesë pasi dëgjoi parashtrimet e të gjitha palëve, në mënyrë të papritur vendosi ta pezullojë shqyrtimin e çështjes dhe t’i drejtohet Komisionit të Venecias. Presidenti i bëri zyrtarisht me dije gjykatës se nuk kishte paqartësi për t’i adresuar Komisionit të Venecias. E vetmja palë në proces që i parashtroi gjykatës pyetje ishte pala kërkuese, pra Shoqata e Bashkive e cila i kërkoi gjykatës t’i përcillte Komisionit të Venecias vetëm një pyetje: A është dekreti i Presidenti për caktimin e datës së zgjedhjeve një akt normativ kushtetues apo është akt administrativ nënligjor?

Kjo vendimmarrje nuk prek, nuk krijon dhe nuk nxjerr asnjë detyrim për asnjë nga palët e përfshira në këtë proces. Ky vendim nuk thotë asgjë përveç se rrëzon kërkesën e Shoqatës së Bashkive të Shqipërisë.

Me vendimin e marrë nuk dha asnjë zgjidhje siç do duhej të bënte. Qëllimisht vendosi të qëndronte mënjanë”, tha ndër të tjera Bledar Dervishaj.

Tags: , ,


KOMENTO (0)

Shkruaj nje koment

Your email address will not be published. Required fields are marked *

* *

Back