Një “gjurmues” do të ishte derdhur në Kanalin e Madh në Venecia, një lëng i futur në ujë për të kuptuar udhëtimin e tij. Një substancë, sipas policisë, jo e rrezikshme për shëndetin e popullatës. Aksioni nuk është pretenduar nga grupet mjedisore dhe militantët e Gjeneratës së Fundit kanë mohuar çdo përfshirje në këtë aferë. Lëngu nuk do të përbënte kërcënim për shëndetin e banorëve, siç konstatohet nga zjarrfikësit.
NMëngjesin e së dielës, pranë urës së Rialtos, është shfaqur një copëz e gjelbër fosforeshente, e cila shumë shpejt është përhapur në një pjesë të mirë të Kanalit të Madh. Menjëherë nisën hetimet nga zjarrfikësit, policia lokale dhe Arpac. Prefekti i Venecias ka organizuar një takim të përbashkët koordinues për të kontrolluar atë që ka ndodhur.
Fillimisht, në faqet e ndryshme sociale u përfol për një veprim të grupeve mjedisore, por aktivistët nuk kanë pranuar ndonjë veprim të këtij lloji. Përdoruesit që komentuan foton në faqen “Venecia nuk është Disneyland”, një nga të parët që shpërndau imazhe të Kanalit të Madh të lyer me ngjyrë të gjelbër, theksuan se aktivistët zakonisht filmojnë veprimet e tyre të protestës, pa kryer asnjë operacion të fshehtë. Hipoteza e një demonstrate nga aktivistët duket gjithnjë e më e largët (edhe nëse këtë mëngjes tashmë është cilësuar si e mundur, por jo e mundshme), por hetimi për “lëngun gjurmues” në kanal vazhdon.
