Aktualitet

Vuçiç i "shqetësuar" për takimin me Kurtin në Bruksel: E di çfarë më

Shkruar nga Liberale
Vuçiç i "shqetësuar" për takimin me Kurtin

Presidenti i Serbisë, Aleksandar Vuçiç, duke folur për takimin e radhës me kryeministrin e Kosovës, Albin Kurti, të hënën në Bruksel, tha sonte se duhet të jetë shumë budalla që të mos përgatitet dhe të mos e dijë se çfarë e pret.

“Me Kurtin nuk ka shumë biseda. Ai njeri menjëherë fillon të flasë për Slobodan Milosheviçin, vuajtjet e tij…, nuk e di, Adem Demaçin… Atëherë e kuptoni se ai ka mbetur prapa në atë kohë, dhe kaq…”, tha Vuçiç.

Siç raportojnë mediat serbe, Vuçiç tha se në takimin e 27 shkurti në Bruksel “sigurisht që do të flitet për formimin e Asociacionit” dhe, siç tha ai, “për këtë do të duhet të flasin edhe përfaqësuesit evropianë”, transmeton Telegrafi.

“E di, Kurti do të shkojë me tregimin – po, po, unë pranoj gjithçka, por Serbia do të duhet të pranojë gjithçka… Dhe kështu… I kam parë të gjitha ato marifete të panumërta, kështu që kjo do të jetë taktika ime. I kam ndjekur të gjitha ato biseda kaq herë, më shumë se të gjitha së bashku, Po të isha më budallai në botë do të isha më i përgatituri. Llogaris se nuk jam tamam njeriu më budalla në botë…”, tha Vuçiç.

Liberale Newsroom

Poll
SHQIPENGLISH