Aktualitet

Vrasja e Dorian Shkozës, Henrik Hoxhaj: Nuredin Dumani më premtoi 60 mijë euro, mora vetëm 35 mijë

Shkruar nga Liberale
Vrasja e Dorian Shkozës, Henrik Hoxhaj: Nuredin Dumani më premtoi 60

I penduari i drejtësisë, Henrik Hoxhaj ka konfirmuar në GJKKO dëshminë, që ka dhënë më parë për vrasjen e Anxhelo Avdisë dhe Dorian Shkozës.

Sipas Shqiptarja.com, Hoxhaj ka rrëfyer se, Dumani i ka premtuar 60 mijë euro, nga të cilat i ka dhënë 35 mijë, sepse pjesën tjetër e ka marrë Elio Bitri.

"Me Nuredin Dumanin jam njohur në ditëlindjen e Festim Çolit, rreth 6 muaj para vrasjes së Dorian Shkozës dhe Anxhelo Avdiajt. Aty shkëmbyem numrat e telefonit, dhe kemi folur e takuar. Dumani premtoi 60 mijë euro, nga të cilat më ka dhënë 35 mijë, sepse pjesën tjetër i mori Elio Bitri. Ky i fundit ka qenë në timon, unë te sedilja e pasme e pasagjerit. Kam patur 2 pistoleta 9 mm, ndërsa Bitri një pistoletë me mulli. Objektivi sipas Dumanit ishte Dorian Shkoza, madje ky i ka dalë para Avdylajt për ta mbrojtur kur kemi qëlluar. Me Bitrin s'kam patur komunikim, kur vajta te shtëpia e Nuredinit, e kam gjatur aty dhe jemi nisur drejt vendit të ngjarjes. Dumani s'ishte me ne por vinte rrotull. Kam qëlluar me të dyja armët, edhe Bitri qëlloi njëherë me armën e tij, por nuk e di nëse ka kapur plumbi ndonjërin nga viktimat. Para ngjarjes madje, në shtëpinë e Dumanit, Elio qëlloi, na tha se ishte shkrepje e pavullnetshme. Elio kishte një javë që qëndronte në shtëpinë e Dumanit para atentatit. Me Dumanin, pasi më dha pagesën, jam takuar dhe për planin e vrasjes së Besmir Haxhias”, ka thënë Henrik Hoxhaj, sipas Shqiptarja.com.

Liberale Newsroom

Poll
SHQIPENGLISH