Aktualitet

Vokshi nxjerr videon: Policia shoqëroi dhunshëm gazetarin në Lezhë

Shkruar nga Liberale
Vokshi nxjerr videon: Policia shoqëroi dhunshëm gazetarin në

Ish-deputetja e Partisë Demokratike, Albana Vokshi ka reaguar në lidhje me incidentin që ndodhi gjatë aksionit të djeshëm të IKM-së në Tale të Lezhës, ku u ndalua edhe korrespondenti i një televizioni.

Vokshi akuzon Policinë e Shtetit se po kthehet në një nga pengesat e medias për të raportuar mbi të vërtetën.

"Policia e Shtetit po kthehet në një nga pengesat më të mëdha të medias për të raportuar ngjarjet dhe të vërtetën. Ndalimi i dhunshëm i korrespondentit televiziv në Lezhë, Elvis Hila, është një nga këto raste, kur policia sillet si strukturë e një regjimi policor dhe jo si polici që respekton shtetin ligjor.

Pamjet flasin vetë. Gazetari Elvis Hila është në krye të detyrës, duke pasqyruar konfliktin e IKMT me banorët e Shëngjinit, të cilëve po u shkatërrohet investimi shumëvjeçar.

Në shkelje të plotë të ligjit dhe të kushtetutës, policia i sekuestroi gazetarit edhe celularin për të fshirë pamjet dhe për të penguar informimin e publikut për dhunën barbare kundër grave dhe fëmijëve në Shëngjin.

Veprime të tilla nga policia, që dhunojnë median dhe shkelin të drejtat elementare të qytetarëve janë të dënueshme.

Kush prek gazetarët, kush shkel ligjin, do të ndëshkohet.

Është koha që Policia të mos i bindet më urdhrave të paligjshëm të Sandër Lleshajt dhe Edi Ramës.", shkruan ajo. /Gazeta Liberale

https://www.facebook.com/559294428/videos/10158575737714429/?t=0

Liberale Newsroom

Poll
SHQIPENGLISH