Globi

Vaksina e Pfizer, efektive deri në gjashtë muaj

Shkruar nga Liberale
Vaksina e Pfizer, efektive deri në gjashtë muaj

Kompania Pfizer që ka prodhuar një nga vaksinat anti-COVID, ka thënë se vaksina e saj vazhdon të jetë efektive kundër virusit deri në gjashtë muaj.

Pfizer dhe partneri i saj gjerman, BioNTech, njoftuan rezultatet e azhurnuara të enjten nga studimi i tyre i vazhdueshëm për më shumë se 44 mijë vullnetarë.

Kompanitë kanë thënë se vaksina ishte 91% efektive kundër sëmundjeve simptomatike dhe ishte edhe më mbrojtëse në parandalimin e sëmundjeve të rënda.

Vaksina është e autorizuar për personat mbi moshën 16-vjeçare.

Këtë javë, kompanitë kanë thënë se vaksina është e sigurt dhe fuqimisht mbrojtëse tek fëmijët e moshës 12 vjeç, bazuar në një studim të 2.260 vullnetarëve amerikanë.

Liberale Newsroom

Poll
SHQIPENGLISH