Aktualitet

U zbulua parcela me kanabis pas një muaji hetimesh, arrestohen 4 persona brenda një familjeje

Shkruar nga Liberale
U zbulua parcela me kanabis pas një muaji hetimesh, arrestohen 4 persona

Katër persona janë arrestuar ditën e sotme nga policia e Lushnjës, nën akuzë për kultivim lëndësh narkotike.

Mësohet se në pranga kanë rënë babë e bir dhe dy të afër më të tyre ,të cilët në bashkëpunim me njëri-tjetrin, kishin mbjellë 87 bimë narkotike kanabis sativa.

“Blutë” asgjësuan nëpërmjet djegies bimër narkotike, teksa materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier për veprime më të mëtejshme.

Njoftimi i policisë:

Lushnjë/Finalizohet operacioni policor i koduar “Lidhja”.

Operacioni, rezultat i një hetimi njëmujor, me metoda proaktive, për goditjen e një tjetër rasti të kultivimit të cannabisit.

Bashkëpunëtorë për kultivimin në një pronë publike, të bimëve narkotike cannabis sativa, vihen në pranga 4 shtetas (të afërm të njëri-tjetrit, 2 prej tyre babë e bir).

Asgjësohen nëpërmjet djegies 87 bimë narkotike cannabis sativa.

Si rezultat i një hetimi njëmujor, të ndjekur me metoda speciale, në bashkëpunim me Prokurorinë e Fierit, në bazë të informacioneve të siguruara nga inteligjenca policore, për një rast të kultivimit të bimëve narkotike, në fshatin Murrizë, Lushnjë, shërbimet e Komisariatit të Policisë Lushnjë kanë finalizuar operacionin policor të koduar “Lidhja”.

Në kuadër të këtij operacioni, gjatë kontrolleve në territorin e këtij fshati, në një pronë publike, u gjetën të kultivuara 87 bimë narkotike cannabis sativa, të cilat në përfundim të veprimeve procedurale, u asgjësuan nëpërmjet djegies.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.

Liberale Newsroom

Poll
SHQIPENGLISH