Globi

Turqia arreston komandantin e lartë të ISIS

Shkruar nga Liberale
Turqia arreston komandantin e lartë të ISIS

Policia turke ka arrestuar një komandant të lartë të grupit militant Shteti Iskamik, njoftoi të martën qeveria.

Mahmut Ozden “ka pasur plane të rëndësishme” dhe ka marrë urdhra për të kryer një sulm, tha ministri i Brendshëm i Turqisë, Suleyman Soylu, raporton Radio Evropa e Lirë.

Ai u arrestua në provincën Adana dhe Soylu tha se operacioni kundër figurave të tjera të Shtetit Islamik është në vazhdim e sipër.

Shteti Islamik e ka shpallur zyrtarisht praninë e tij në Turqi në vitin 2019 dhe ka kryer disa sulme në këtë vend.

“I dyshuari ka marrë vazhdimisht urdhra nga Iraku dhe Siria për të kryer një sulm në Turqi”, tha Soylu të martën.

Ai njoftoi për arrestimin në Tëitter dhe e përgëzoi policinë.

Sipas ministrit, Ozden ka planifikuar të kryejë sulme me një grup prej 10 deri në 12 terroristësh.

Soylu iu referua Ozdenit si “emir” i grupit në Turqi. / Gazeta Liberale

Liberale Newsroom

Poll
SHQIPENGLISH