Ish presidenti doli kundër të gjithëve në mitingun republikan duke mos e përjashtuar mundësinë e kandidaturës, ndërsa ashtu si edhe konservatorët e tjerë foli ashpër kundër emigrantëve dhe kufijve
Ish presidenti doli kundër të gjithëve në mitingun republikan. Manjati e mbylli Konferencën e Veprimit Politik Konservator me tone të ndezura. Dhe tani po shtyhet fort drejt kandidaturës për zgjedhjet paraprake të 2024-ës.
“Unë kam garuar dy herë, kam fituar dy herë dhe tani ndoshta duhet ta fitojmë përsëri.”
Donald Trump nuk e përjashtoi që të hedhë përsëri kandidaturë deri në vitin 2024. Duke vlerësuar politikat e tij të imigracionit – ai tha se kur ishte president “kufijtë ishin të sigurt me mua”.
“Duhet të ndalojmë pushtimin në kufi” me Meksikën, jemi të pushtuar nga emigrantët”, thaTrump duke nënvizuar se si çdo vdekje apo krim i shkaktuar nga një emigrant i paligjshëm është “plotësisht i shmangshëm”.
Nancy Pelosin e kritikoi për vizitën e saj në Tajvan, duke përdorur tone përçmuese dhe sarkastike ndaj kryetares së Kuvendit. “Çfarë bëri ajo në Tajvan?”, pyeti në mënyrë provokative ish-presidenti amerikan mbështetësit e tij gjatë një mitingu në Wisconsin. “Ishte ëndrra e Kinës dhe ajo i dha Kinës një justifikim për të shkaktuar një përshkallëzim me vizitën e saj,” – theksoi Trump. /Liberale.al/
