Aktualitet

Tritol mjetit në Kamëz/“I forti” i “Myslym Shyrit” ofroi 40 mijë euro

Shkruar nga Liberale
Tritol mjetit në Kamëz/“I forti” i “Myslym

Policia e Tiranës ka arrestuar tre persona për ngjarjen e ndodhur në 9 shkurt në Kamëz, ku iu vendos lëndë plasëse poshtë makinës shtetasit Gjon Mena.

Në pranga janë vendosur Gjergji Cukali, 42-vjeç, i njohur ndryshe dhe si “i forti i Myslym Shyrit” dhe dy vëllezër, Enver J., 33 vjeç dhe Edmond J., 24-vjeç. News 24 raporton se Gjergji Cukali besohet se është porositësi i vrasjes me eksploziv të mbetur në tentativë. Ajo shtoi se ky i fundit i ka premtuar 40 mijë euro dy vëllezërve, për eliminimin e Menas.

Fillimisht ai u ka dhënë atyre 10 mijë euro, duke i premtuar se do i jepte 30 të tjera në momentin e eliminimit të 32-vjeçarit Mena. Njëri nga vëllezërit ishte marrë me krijimin e lëndës plasëse, ndërsa tjetri kishte për detyrë ta vendoste poshtë makinës luksoze të Menas.

Në cilësinë e provës materiale policia ka sekuestruar një makinë, e cila besohet se është përdorur nga dy vëllezërit në momentin që kanë vënë lëndën eksplozive në makinën e Gjon Menës.

Policia ndërkohë është duke punuar për zbardhjen e konfliktit mes Menas dhe Cukalit, por vlen për t’u theksuar se dy shtetasit kanë precedentë të theksuar kriminal, si brenda dhe jashtë vendit.

Liberale Newsroom

Poll
SHQIPENGLISH