Kreu i Partisë së Lirisë, Ilir Meta ka zhvilluar një vizitë ngushëlluese në familjen Avdia.
Në një deklaratë për mediat, ai tha se, se duhej të kishin dhënë dorëheqjen të gjithë ministrat përgjegjës për moszbatimin e urdhrit për shtim masash për sigurinë e pushuesve në vend, ose do duhej që kryeministri Edi Rama duhej t’i shkarkonte, së bashku me kryetarin e Bashkisë së Himarës.
“Këtu ligji e bëjnë të fortët dhe ajo paje e llahtarshme që ndodhi atje është pamje e një shteti brutal dhe të papërgjegjshëm me qytetarë të thjeshtë që rrezikohen pikërisht nga papërgjegjshmëria e shtetit të tyre. Çdo qytetar duhet t’i bashkohet kësaj proteste, për të shprehur solidaritetin me këtë familje por dhe për të parandaluar ngjarje të tilla në ë ardhmen. Nuk është e para që ndodh për shkak të papërgjegjshmërisë së shtetit. Minimumi të gjithë ministrat përgjegjës për zbatimin e qeverisë duhet të kishin dhënë dorëheqjen ose të ishin shkarkuar nga kryeministri, bashkë me kryetarin e bashkisë ku ka ndodhur kjo ngjarje e rëndë.”, u shpreh Meta.
Një vizitë ngushëllimi në familjen Avdia e zhvilloi më herët edhe ish-kryeminstri Sali Berisha, si dhe Drejtori i Përgjithshëm i Policisë së Shtetit, Gledis Nano.
Sakaq sot në Tiranë pritet të zhvillohet edhe një protestë në orën 19:00 para Ministrisë së Brendshme.
Meta tha se do të jetë sot në protestën e njoftuar nga shoqëria civile për këtë ngjarje.
Kujtojmë se ngjarja ndodhi dy ditë më parë në plazhin e Potamit. Teksa Jonada Avdia ndodhej me prindërit për pushime u përplas nga skafi i cili drejtohej nga Arjan Tase, Shef i Policimit në Komunitet në Drejtorinë Vendore të Policisë Elbasan. /Liberale.al
