Aktualitet

"Të rrimë larg kërcitjes së armëve", Rama: Do mbaja të njëjtin qëndrim edhe po të ishin 3 policë serbë

Shkruar nga Liberale
"Të rrimë larg kërcitjes së armëve", Rama: Do

Kryeministri Edi Rama ka folur sot për rrëmbimin e tre policëve të Kosovës nga Serbia. Ai tha se, Serbia duhet të angazhohet shumë më seriozisht në marrëdhënie me shqiptarët. 

Kreu i qeverisë shqiptare tha në konferencën për mediat se, një shtet demokratik respekton të drejtat e njerëzve, pavarësisht se të drejtat e shtetasve të vet në një shtet tjetër mund të shkelje.

“Nuk kam asnjë koment tjetër për asgjë tjetër përveç temës për të cilën jemi këtu, e cila është 1 mln herë më e rëndësishme për interesin imediat të Shqipërisë nesër. Mund të ketë impakte krejt të padëshiruara në ndërkohë që angazhimi ynë është komplet tjetër që nga dita e parë. Ne kemi qenë shumë të qartë, të drejtpërdrejt dhe të vendosur të ndjekim politikën që kemi ndjekur edhe me Serbinë. Pozicioni ynë ka pasur gjithmonë parasysh që ne të ndikojmë, aq sa na lejohet, aq sa është e mundur, që çdo lloj kërcitje armësh, sado e shkurtër, të mbahet larg nga Ballkani. Patjetër që fakti që tre policë, në këtë rast janë tre policë të Kosovës, janë shqiptarë, por ju siguroj se të njëjtin qëndrim do mbaja dhe nëse do ishin policë serbë dhe pa diskutim që kjo ndikon në marrëdhëniet tona dhe kjo tregon sipas nesh që Serbia duhet të angazhohet shumë më seriozisht në këtë marrëdhënie me ne. Janë tre njerëz që mbahen atje nga një shtet. Mbulohet kjo me jo u arrestua kjo, u arrestua ai. Nuk kanë lidhje fare këto gjëra. Një shtet demokratik dhe sikur të jenë të vërteta ato që thuhen nuk reagon një shtet duke bërë simetri. Pse çfarë janë këto banda. Shtet demokratik respekton të drejtat e njerëzve, pavarësisht se të drejtat e shtetasve të vet në një shtet tjetër mund të shkelje. Arrestimet në Kosovë, Serbia ka ku t’i adresojë. T’i adresojë tek ato mekanizma që janë atje. Kjo është rruga e një shteti demokratik. Jemi shumë aktivë (për lirimin e tyre), jo vetëm në një kanal, në disa kanale, por ndërkohë nuk diskutohet që sa kohë ata njerëz të jenë atje, marrëdhëniet tona janë pas asgjë të re, por përkundrazi. Marrëdhëniet tona janë vetëm për këtë punë, për asgjë tjetër. Uroj që lirimi i tyre të bëhet sa më parë”, deklaroi Rama.

Liberale Newsroom

Poll
SHQIPENGLISH