Aktualitet

Tarifa shkollore/ Filologjiku shtyn afatin e pagesës

Shkruar nga Liberale
Tarifa shkollore/ Filologjiku shtyn afatin e pagesës

Fakulteti i Historisë dhe Filologjisë në Universitetin e Tiranës ka vendosur që të shtyjë afatin e pagesës së tarifës shkollore për studentët, që paguhet para provimeve, për në shtator.

Në urdhrin e ditës ë sotme, që mban firmën e dekanit Sabri Laçi, theksohet se studentët e vitit të tretë bachelor dhe atë të viteve të dyta të programeve master që do të diplomohen në sesionin e korrikut të bëjnë pagesën deri me datë 10 korrik 2020.

Studentët e vitit të parë dhe të dytë të programeve bachelor dhe ata të vitit të parë të programeve master duhet të kryejnë pagesën e tarifës së universitetit deri më datë 15 shtator 2020.

Ky është fakulteti i parë që ka ndërmarrë këtë hap, por studentët kanë kërkuar anulimin e plotë të tarifës me argumentin se nuk kanë bërë mësim në kohën e pandemisë.

Liberale Newsroom

Poll
SHQIPENGLISH