Aktualitet

Takimi me ekspertët, Manastirliu: Vaksinimi dhe aplikimi i dozës përforcuese, domosdoshmëri

Shkruar nga Liberale
Takimi me ekspertët, Manastirliu: Vaksinimi dhe aplikimi i dozës

Ministrja e Shëndetësisë, Ogerta Manastirliu, ka zhvilluar një takim me ekspertët e Komitetit Teknik, lidhur me situatën e pandemisë në vend.

Manastirliu thotë se është domosdoshmëri vaksinimi i të pa vaksinuarve dhe aplikimi i dozës përforcuese, për të shmangur format e rënda të sëmundjes dhe fatalitetet.

Ajo shton më tej, se zbatimi i masave në fuqi, mbajtja e maskave në ambientet e brendshme dhe kudo që nuk ruhet distanca ndihmojnë në kufizimin e përhapjes së virusit.

Postimi i Ogerta Manastirliut:

Me ekspertët e Komitetit Teknik për të diskutuar për situatën e epidemisë në vend dhe vlerësimin e masave anticovid.

Është domosdoshmëri VAKSINIMI i të pavaksinuarve dhe aplikimi i DOZËS PËRFORCUESE, për të shmangur format e rënda të sëmundjes dhe fatalitetet, në kushtet e përhapjes në vendin tonë të variantit Delta dhe Omicron.

Zbatimi rigoroz i masave në fuqi, mbajtja e maskës në të gjitha ambientet e brëndshme dhe kudo ku nuk ruhet distanca, shmangja e grumbullimeve dhe ruajtja e distancës si dhe higjiena ndihmojnë në kufizimin e përhapjes së virusit.

#VaksinatShpëtojnëJetë

Liberale Newsroom

Poll
SHQIPENGLISH