Struktura e Posaçme kundër Korrupsionit dhe Krimit të Organizuar ka mbyllur hetimet për inceneratorin e Fierit dhe iu ka komunikuar akuzat personave të përfshirë në këtë aferë.
Mes të pandehurve të cilëve po iu komunikohen akuzat janë ish-ministri i Mjedisit, Lefter Koka dhe ish-deputeti Alqi Bllako, në atë kohë ish-sekretarin e përgjithshëm të asaj ministrie.
Sipas Prokurorisë, Ballako është përgjegjës për korrupsion dhe shpërdorim detyre. Pritet që në vijim, akuzat t’i komunikohen edhe personave të tjerë të akuzuar në këtë dosje.
Për këtë dosje, SPAK mori nën hetim edhe 11 persona të tjerë disa javë më parë, të akuzuar se nëpërmjet një skeme mashtrimi me fatura fiktive kishin përfituar miliona lekë. Më 16 nëntor, SPAK lëshoi 11 urdhër-arreste pas hetimeve për inceneratorin e Fierit.
