Këngëtari Sinan Hoxha rrëfen detaje nga jeta personale dhe profesionale. Ai flet për marrëdhënien me bashkëshorten, Andrrën, fëmijët dhe planet për të zgjeruar familjen.
Fillimisht ai thotë Andrra ka qenë një bekim për të.
“Ime shoqe ka qenë një bekim, nuk e di nga më ka ardhur që kam marrë një grua të mrekullueshme. Mendoj që kam gruan më të mirë në botë deri sot. Zakonisht kur jua thua grave a do dhe një fëmijë të tretë thonë jo, po në këtë rast jam unë ai që them jo. Është një obligim i frikshëm. Unë jam mashkulli i vetëm, të paktën te artistët, i cili që ditën që jam fejuar, nëse është ora 21:00 jam në shtëpi, përveç ditëve kur kam koncert”, tregoi Sinan Hoxha, në një intervistë për “Top Albania Radio”.
Më tej Sinani tha ndër të tjera se i është dashur që të marrë borxh gjatë pandemisë, pasi kaloi një situatë të vështirë financiare. Ai tregoi se artistët ishin më të diskriminuarit.
“Artistët kanë qenë më të diskriminuarit gjatë pandemisë. Një muaj para se të ndodhte e gjithë pandemia unë bëra një blerje me mendimin që në dy-tre muajt në vijim do punoja dhe do laja borxhin dhe jo vetëm që nuk e lava po u futa dhe në borxh për të kaluar muajt, pasi nuk këndova fare për dy vite”, tha mes të tjerash për peripecitë financiare që ka kaluar Sinan Hoxha.
