Aktualitet

Si konjaku Hennessy e pushtoi hip hopin

Shkruar nga Liberale

Ekziston një markë e njohur konjaku francez që përmendet në qindra këngë rap dhe hip-hop, duke filluar nga Snoop Dogg te Cardi B, nga Beyonce te Drake, fiks gjithçka filloi bash atëherë kur Tupac Shakur shkruajti në vitin 1992 këngën “Hennessy”.

Me pak fjalë, Hennessy është një nga konjakët më të përmendur në historinë e muzikës dhe ka simbolizuar në veçanti një pjesë të një stili jetese që ka mbetur i rrënjosur në kulturën hip-hop për më shumë se tridhjetë vjet. Arsyeja e gjithëpërfshirjes së Hennessy-t në këngët rap qëndron në besnikërinë e gjatë të komunitetit afrikano-amerikan ndaj kompanisë që e tregton atë, të paktën ashtu siç shkruhej në një artikull në District Magazine.

Prodhuar që nga viti 1765, Hennessy është një konjak, i përbërë nga një distilim pikant me bazë frutash (zakonisht rrush, por ndonjëherë edhe mollë ose dardha) nga rajoni i Konjakut në Francën juglindore. Ashtu si të gjitha shampanjat mund të jenë verëra të gazuara, ashtu mund të themi se jo të gjitha verërat e gazuara janë shampanjë dhe pikërisht ashtu ndodh edhe më konjakun e prodhuar në ato territore, i cili emërtohet nga një emër i veçantë dhe që mbi të gjitha është i prodhuar sipas standardeve të kontrolluara. Sot, ekzistojnë katër prodhues të mëdhenj konjaku të famshëm në të gjithë botën: Martell, Courvoisier, Remy Martin dhe Hennessy, i cili prej disa vitesh i përket konglomeratit të markave luksoze LVMH (Louis Vuitton, Moet dhe Hennessy).

Pavarësisht origjinës së tij, sot ky konjak shitet kryesisht jashtë vendi, Franca është shteti që eksporton më shumë se 97% të konjakut që prodhon, kryesisht në Shtetet e Bashkuara. Megjithatë, lidhja me kulturën afro-amerikane i paraprin prej kohësh viteve të arta të rap-it të viteve ’90-të. Sipas Emory Tolbert, profesor historie, i cili u intervistua nga Slate mbi këtë temë, familjariteti i konsumatorëve afrikano-amerikanë me konjakun mund të kërkohet në gjysmën e parë të shekullit të njëzetë. Atëherë kur të mësuar me markat e uiskit që shfaqnin një ikonografi nacionaliste të lidhur veçanërisht me Jugun e Konfederatës, 200 mijë ushtarë afro-amerikanë të vendosur në Francë gjatë Luftës së Dytë Botërore u njohën për herë të parë me konjakun francez.

[caption id="attachment_1280992" align="alignnone" width="466"] Një reklamë e vitit 1983.[/caption]

Në kohën mes dy luftërave botërore, ndërsa ligjet që synonin institucionalizimin e ndarjes racore u shtuan në Shtetet e Bashkuara, Franca u bë një pikë referimi kulturore për komunitetin afro-amerikan. Përveç ushtarëve të shumtë që ishin vendosur në Francë, atje u shpërngulen edhe shumë artistë, muzikantë dhe shkrimtarë afro-amerikanë. Simboli i asaj periudhe, i emërtuar si “Les annees folles” (vitet e çmendura), ishte Josephine Baker, këngëtare, balerinë dhe aktiviste amerikane që e jetoi pothuajse gjithë jetën e saj në Paris dhe që në vitet 1930, frymëzoi përgatitjen e një kokteji me bazë konjakun.

Pas Luftës së Dytë Botërore, shijet e francezëve filluan të ndryshojnë dhe konsumi i brendshëm i konjakut filloi të zëvendësohej me uiskin e prodhuar në Skoci, sa edhe sot, francezët janë ndër konsumatorët e tij kryesorë në botë. Nisur nga kjo problematikë, prodhuesit francez të konjakut filluan të shohin si përparësi tregun amerikan dhe konkretisht atë afro-amerikan.

Pikërisht në ato vite Hennessy filloi të ishte i njohur në atë grup demografik; sa kompania franceze që e prodhonte një konjak të tillë ishte të ndër të parat që bleu një hapësirë të madhe publicitare në revista si Evony dhe Jet, të shkruara nga dhe për afro-amerikanët. Në reklama të tilla aktorët i përkisnin këtij komuniteti dhe përshkruanin një stil jetese të rafinuar dhe të dëshiruar. Në vitet 1960, afro-amerikanët që kishin një pozicion drejtues ishin shumë të pakët, shumë prej tyre ishin të keqtrajtuar, por kompania franceze e konjakut vendosi në një pozicion të tillë drejtues, ish-atletin olimpik Herb Douglas, i cili ishte pjesë e komunitetit afro-amerikan në SHBA.

Me pak fjalë, Hennessy hyri në banaqet e pijeve alkoolike të shumicës së familjeve afro-amerikane në SHBA.

Atëherë kur hip-hopi filloi të njihej globalisht përmes MTV, konjaku dhe lloji Hennessy në veçanti filluan të përmendëshin shumë nga reperët. Kjo pije alkoolike shihej si një simbol i një luksi të kohërave të kaluara, ku shijoheshin veçanërisht të mirat e jetës dhe ku argëtimi dhe festat në grup ishin pjesë e jetesës së tyre”, ka shkruar gazetarja Caitriona Devery. Hennessy është çelësi i skenës kulturore të hip-hopit që nga vitet 1990 deri në ditët e sotme. Ai luan rolin e një lloj lubrifikuesi social, ambicioz, por i vlerësuar nga konsumatorët me ngjyrë sipas kushteve të tyre, një konjak kaq i fuqishëm francez 250-vjeçar, veçanërisht u përthith dhe u asimilua si një pikë referimi e përbashkët kulturore përmes hip-hopit.

Ndryshe nga markat e tjera luksoze që janë përpjekur të distancojnë imazhin e tyre nga bota e rapit, Hennessy ka arritur të krijojë një marrëdhënie të shkëlqyer me skenën e hip-hopit. Në vitin 2013, për shembull, kjo kompani punësoi reperin dhe producentin e famshëm Nas, si një dëshmi e vazhdimit të kësaj tradite. Vitet e fundit, një pije tjetër alkoolike ka filluar ta zëvendësojë atë; të paktën sipas një analize të Atlantic, ku theksohet se në vitin 2020 për herë të parë këngët që përmendin tekilën Casamigos kaluan ato që flisnin për Hennessy.

Referuar artistit Tahir Hemphil, arsyet mund të jenë të ndryshme; nga njëra anë, Hennessy sjell në mendje një stil më klasik reperi, i cili mban veshur një kapele New York Yankees dhe këpucë Timberland, ndërsa “Casamigos është i importuar, ka katër rrokje dhe ka një emër spanjoll dhe që i bën ata të duken më elegant”. Nga ana tjetër, mund të ndodhë që pas kaq shumë vitesh “është më e lehtë dhe po aq argëtuese të krijohen vjersha me Casamigos sesa me Hennessy”./ Përgatiti Liberale.al

Liberale Newsroom

Poll
SHQIPENGLISH