Aktualitet

Shtyhet sërish seanca, Fredi Beleri 'kyç' gojën: Nuk kam besim te drejtësia!         

Shkruar nga Liberale
Shtyhet sërish seanca, Fredi Beleri 'kyç' gojën: Nuk

Shtyhet seanca gjyqësore për Fredi Belerin. Ajo do të mbahet më datë 19 dhjetor, ora 14:30. Dëshmitari Abdyl Rama, vëllai i bashkëpunëtorit të drejtësisë Arsen Rama që fundosi Belerin me akuzën për blerjen e votave nuk është paraqitur në seancë.

Fredi Beleri po ashtu refuzoi të flasë para gjykatës pasi tha se nuk ka besim te SPAK.

Kujtojmë që Beleri u arrestua dy ditë përpara zgjedhjeve vendore të 14 majit.

“Do të dëshmoja po të kisha besim po në dosje ka dokumente të falsifikuara’- u shpreh Fredi Beleri.

Në seancë u lexuan dy dëshmi të Abdyl Ramës, vëllait të dëshmitarit, Arsen Rama. Dëshmia e parë ishte dhënë në prokurorinë e Vlorës, ditën e arrestimit dhe tjetra në qershor në SPAK. Dëshmitë u lexuan, pasi rezulton se me 22 korrik ishte larguar nga Shqipëria dhe nuk ishte futur më.

Ndërkohë ambasadorja greke Konstantina Kamitsi po ndjek nga afër çështjen. Seanca e kaluar u shty për shkak të mosgjetjes së dëshmitarit Avdyl Rama të kërkuar nga prokuroria dhe mbrojtja.

Sipas prokurorisë, përgjimet e realizuara tregojnë se ai ka ofruar para në këmbim të votave në favor të tij. Vetë Beleri ka hedhur poshtë akuzat dhe ka folur për një akt me sfond politik.

Liberale Newsroom

Poll
SHQIPENGLISH