Aktualitet

Shqiptarët në spitalet greke, zyrtarët: Hyjnë me teste të rreme

               Publikuar në : 19:55 - 19/02/21 liberale

Prej disa ditësh, qyteti grek, Janina është kthyer në zonë të kuqe. Shumë nga të infektuarit me Covid-19 janë shqiptarë. Sipas prefektit i Epirit, Alekos Karhimanis, të gjitha njësitë e kujdesit intensiv janë zënë nga shtetasit nga Shqipëria.

Situata epidemiologjike e Janinës ndikohet ndjeshëm nga pacientët që janë pranuar nga Shqipëria dhe po trajtohen në spitalet e rajonit. Sot 50% e pacientëve të trajtuar në Njësitë e Sëmundjeve Infektive të spitaleve të Janinës vijnë nga Shqipëria, të cilët kanë zënë të gjitha njësitë e kujdesit intensiv”, tha prefekti i Epirit, Alekos Karahimas

Por ky problem sipas zyrtareve grek vjen si pasojë e një mashtrimi.

“Dhjetëra shtetas shqiptarë që janë diagnostikuar në vendin e tyre pozitiv me koronavirus, kalojnë kufirin me një test të rremë negativ dhe arrijnë të kurohen në Spitalin Universitar të Janinës. Sapo kalojnë kufirin, ata i thonë shoferit të autobusit se nuk po ndihen mirë dhe se po përjetojnë dhimbje në zemër, me rezultat që shoferi t’i çojë drejtpërdrejt në Qendrën Shëndetësore Delvinaki . Aty ata i nënshtrohen një testi të shpejtë i cili është natyrshëm pozitiv“, tha juristi Dimitris Dimitriou.

Shqiptarët mundohen të kurohen në Greqi, sepse sipas zyrtarit grek shërbimi është më cilësor.

“Në vendin e tyre politika e qeverisë ndaj pandemisë, është praktikisht jo- ekzistuese. Gjithçka është e hapur, pa kontroll dhe në rast se përjetoni simptoma të rënda, gjithçka që ato ofrojnë është një aparat për frymëmarrje dhe mbyllje në shtëpi, kështu që ata të kërkojnë trajtim në spitalet greke”, tha ai, raporton Vizion plus.

Komiteti teknik i eksperteve grek, pritet në ditët në vijim të marrë një vendim në lidhje me situatën në spitalet e Janinës.

Tags: , , ,


KOMENTO (0)

Shkruaj nje koment

Your email address will not be published. Required fields are marked *

* *

Back