Kryesore

Shqipëria mban gjallë shpresat për Europian

               Publikuar në : 22:12 - 11/06/19 R Liberale

Debutimi i ëndërruar dhe Shqipëria beson!

Edi Reja ka debutuar në mënyrën më të mirë të mundshme në shtëpi, me fitore. Të besuarit e tij likujduan pastër 2-0 Moldavinë. Edhe pse në pamje të parë një takim i lehtë në letër, kuqezinjtë tanë vuajtën shumë për të gjetur golin ndaj një kundërshtari që kishte zbritur në “Elbasan Arena” vetëm për turizëm.

Me pjesën e parë që u mbyll me rrjeta të paprekura, pavarësisht rasteve sporadike nga të dy skuadrat, fraksioni i dytë ndryshoi totalisht fytyrën e tanëve. Aktivizimi i Cikalleshit dhe Roshi në vend të Sadikut e Lenjanit dha frytet e duhura. Ishte pikërisht kjo dyshe, që në bashkëpunim me njëri-tjetrin tundën rrjetën kundërshtare. Inkursioni i shpejtë i fierakut dhe fati në anën e tij nxorën të lirë kavajasin, i cili nga fare pranë portës nuk fali.

Një episod që çliroi kuqezinjtë, që nisën të administronin lojën. Moldavia u mundua të reagojë, por më kot, pasi centrimetrat e Mavraj dhe eksperienca e Hysaj e Veselit bllokuan gjithçka. Kur u duk se gjithçka po mbyllej në një avantazh minimal të kuqezinjve, Ylber Ramadani realizoi një nga golat më të bukur në karrierën e tij.

(Visited 3 times, 1 visits today)

Etiketa: ,

KOMENTO (0)

Shkruaj nje koment

Adresa juaj email s’do të bëhet publike. Fushat e domosdoshme janë shënuar me një *

* *