WhatsApp po vazhdon të përmirësojë ndërveprimet mes përdoruesve me disa risi interesante. Një nga to është mundësia për të vendosur “Like” në statuset e miqve. Kjo lejon shprehjen e përkrahjes për publikimet, ndërsa preferencat mbeten private, duke u shfaqur vetëm në listën e shikimeve.
Përveç kësaj, tani mund të përmendni deri në pesë kontakte në një status pa i zbuluar emrat e tyre për të tjerët. Ata që janë përmendur do të marrin një njoftim dhe do të kenë mundësinë të rishpërndajnë përmbajtjen.
Për video-calls, WhatsApp ka sjellë 10 filtra dhe 10 sfondet e reja për t’i bërë bisedat më argëtuese dhe personale. Këto risi synojnë të rrisin përvojën e përdoruesve dhe të nxisin më shumë ndërveprime.
