Sociale

TRAGJEDIA E SHKODRËS/ Flet kunati i gruas që u vetëmbyt me 3 fëmijët: Alma nuk është dhunuar, prej kohësh trajtohej me ilaçe për depresionin

Shkruar nga Liberale

TRAGJEDIA E SHKODRËS/ Flet kunati i gruas që u vetëmbyt me 3
Ngjarja ka shokuar mbarë opinionin publik. Alma Arrazi dyshohet se së bashku me 3 fëmijët e saj të mitur, në kushte të rënda depresioni, është vetëmbytur në lumin Buna. Aktualisht janë gjetur trupat e mbytur të dy vajzave të mitura, ndërsa vijojnë kërkimet për gjetjen e trupit së ëmës dhe djalit të vogël.

“Kanë pasur një jetë normale dhe se Alma nuk është dhunuar asnjëherë nga vëllai im”.
Kështu u shpreh vëllai i të akuzuarit për shkaktim të vetëvrasjes, Erdgys Arrazi, mbi mediat lidhur me tragjedinë në Shkodër.

Edison Arrazi mohoi që i vëllai i tij ta kishte dhunuar fizikisht dhe psikologjikisht bashkëshorten Alma Arrazi ndërsa tha se ajo prej shumë kohësh pinte ilaçe për stresin dhe depresionin.

“Është një ngjarje shumë e rëndë që na ka ndodhur në familje, sepse ende nuk janë gjetur dy trupat e tjerë dhe dy i kemi të vdekur. Dua të sqaroj opinionin publik se vëllain tim e njeh e gjithë Shkodra sepse ka punuar në servis celularësh.”

“Është e pavërtetë se vëllai ka ushtruar dhunë psikologjike apo fizike ndaj nuses së shtëpisë sonë. Ne pas ngjarjes së rëndë kemi bërë katër arkivola dhe nusen do ta përcjellim bashkë me të tre fëmijët.“
“Ajo ka qenë nusja jonë dhe ne e kemi dashur dhe respektuar. Sa i përket ngjarjes nuk është e vërtetë se vëllai e ka dhunuar. Prokuroria na ka dhënë leje që vëllai të vinte në varrim dhe policia nuk e lejoi që ti hidhte një grusht dhe vajzës që varrosëm sot. “

“Unë dua t’i bëj thirrje të gjithëve që të mos nguten dhe të na lënë kohë që të dalë e vërteta e ngjarjes. Vëllai dhe nusja kanë shkuar shumë mirë dhe nuk kanë patur probleme siç po akuzohet gjithandej. Unë dua që vëllai të vijë në shtëpi dhe të varrosim edhe vajzën tjetër që u gjet sot. Faktet janë gjithandej se nuk është dhunues vëllai im sepse e njohin të gjithë. “

“Ne kemi jetuar në një shtëpi sëbashku dhe nëse ka patur dhunë të paktën njëherë do e kishte denoncuar ose do kishte trokitur në dyert e ndonjë shoqata ose do e kishte gjetur një zgjidhje. Ne i kemi njoftuar për çdo gjë familjen e nuses tonë, që nga momenti i parë dhe deri më tani. Sot nuk kanë qenë në varrim por e dimë se dhimbja edhe për ata është po aq e madhe sa e jona. Edhe ata janë të respektuar nga ana jonë.”

“Nusja është trajtuar prej shumë kohësh me ilaçe për stresin dhe depresionin. Nuk është se ka qenë në një gjendje të rënduar por herë pas herë ka marrë ilaçe. Ngjarja është shumë e rëndë dhe jemi tejet të ngarkuar. Unë për vete kam tre ditë që kam dalë nga burgu. Bëra katër vite burg dhe nuk e di ende se për çfarë i bëra sepse me kanë dënuar për bimë narkotike gjë që nuk është e vërtetë”, tha Edison Arrazai.

Edison Arrazai ka folur edhe për takimin e fundit që Alma pati me kunatën, ku tha se kjo ishte një rutinë që ato e ndiqnin me njëra- tjetrën dhe se Alma nuk kishte shfaqur shenja depresioni gjatë konsumimit të kafes.

“Nusja ime dhe nusja e vëllait atë pasdite kanë dalë si gjithmonë për të pirë kafe bashkë më fëmijët sepse kanë dalë shpesh së bashku. Pasi kanë konsumuar kafen i ka thënë nuses time se do nisem për në Durrës dhe do vijë të marrë vëllai. Nuk ka shfaqur asnjë problem gjatë qëndrimit në kafe dhe është sjellë krejt normalisht. I ka thënë se kam folur me burrin për vëllanë tim dhe se do iki për Durrës sepse më merr vëllai”, tha ai.

Lidhur me motivin e pretenduar se Erdgys Arrazi po krijonte një lidhje tjetër, i vëllai u shpreh se “unë nuk e di se ka patur një lidhje tjetër vëllai po sikur të ketë patur edhe 20 lidhje ai veprim nuk është asnjëherë i justifikueshëm sepse është një ngjarje e rëndë. Në dijeninë time nuk di të ketë patur lidhje jashtëmartesore”.

Erdgys Arrazi u ndalua nga polica më 4 maj, ndërsa Prokuroria e Shkodrës po e heton atë për veprën penale të “Shkaktimit të vetëvrasjes” për shkak të dhunës psikologjike që ka ushtruar në mënyrë të vazhdueshme ndaj bashkëshortes së tij Alma Arrazi.

Liberale Newsroom

Poll
SHQIPENGLISH