Sociale

Simptomat e Covid-19 kanë ndryshuar, si mund t’i dalloni nga gripi i zakonshëm

Shkruar nga Liberale
Simptomat e Covid-19 kanë ndryshuar, si mund t’i dalloni nga gripi i

Versioni i virusit Covid-19 pas rritjes së fundit të infeksioneve ndan shumë nga të njëjtat simptoma si variantet e mëparshme të Sars-CoV-2: dhimbje fyti, lodhje, dhimbje koke dhe kollë.

Mes një rritje të rasteve të Covid-19 të lidhura me variantin JN.1, simptomat kanë ndryshuar, duke e bërë të vështirë dallimin nga gripi.

Dallimet në simptoma shpesh varen nga shëndeti i një personi dhe sistemi i tyre imunitar. Por disa mjekë po raportojnë ndër shenjat e para më të zakonshme të një infeksioni nga JN.1 janë diarreja ose dhimbja e kokës. Më pak pacientë po humbasin shqisën e nuhatjes nga variante të lidhura ngushtë me Omicron, nga të cilat JN.1 është një nënvariant.

Rastet me Covid-19 kanë filluar të rriten sërish si pasojë e variantit JN.1 Covid, i cili u shfaq shtatorin e kaluar në Francë. Varianti përbën rreth 60% të infeksioneve të reja në fillim të janarit, sipas një gjurmuesi të të dhënave nga Qendrat e SHBA për Kontrollin dhe Parandalimin e Sëmundjeve (CDC).

Në të njëjtën kohë, të dhënat nga CDC dhe Agjencia e Sigurisë Shëndetësore në Mbretërinë e Bashkuar tregojnë se shtrimet në spital dhe vdekjet nga Covid-19 janë dukshëm më të ulëta krahasuar me janarin 2023. Mjekët thonë se e kanë praktikisht të pamundur të dallojnë simptomat e Covid-19 nga gripi pa ndihmën e një testi PCR.

Liberale Newsroom

Poll
SHQIPENGLISH