“Besimtarët e krishterë në të gjithë botën festojnë Krishtlindjen. Në këtë ditë të shënuar për të gjithë besimtarët e krishterë kudo që ndodhen Imzot Arjan Dodaj ka përcjellë mesazhet e urimit për sa më shumë dashuri dhe mirësi për të gjitha familjet shqiptare”, raporton gazetari i Klan News, Maksi Rama.
Ndër të tjera kreu i Dioqezës Tiranë-Durrës u shpreh se kjo Krishtlindje na fton të ecim si shtegtarë të shpresës.
Imzot Arjan Dodaj, Arqipeshkvi i Arqidioqezës Tiranë-Durrës: Le të shkojmë në Betlehem dhe të shohim çfarë zoti kumtoj për ne. Kjo është ftesa që na vjen nga zoti në këtë Krishtlindje të vihemi në ecje, në ecje si shtegtarë të shpresës në dyert e jubileut që shënon 2025 vite nga lindja e Krishtit. Me Krishtin historia e zotit me popullin e vet merr tërësisht një drejtim të ri. Si thotë edhe Shën Pali ‘u shfaq mirësia e shpëtimtarit tonë dhe dashuria e tij ndaj njerëzve’.
Imzot Arjan Dodaj nënvizoi se ka ardhur koha të reflektojmë dhe të promovojmë vlerat për femijët dhe atdheun.
