Sociale

Ja çfarë duhet të bësh përpara se të nisësh një email kur je me nerva

Shkruar nga Liberale

Ja çfarë duhet të bësh përpara se të nisësh

Sa prej jush nuk kanë dërguar kurrë në jetë një email kur janë me nerva? Shanset janë që të gjithë! Mund të jetë një email i në formën e një ankese për kompaninë e pastrimit kimik që të ka prishur fustanin pas larjes, një ankesë te shefi për kolegun/en e të tjera. Shumica prej nesh e kanë gjetur veten përpara tastierës në një moment dileme për ta dërguar një email me përmbajtje të tillë.

Por, shtypja e butonit “dërgo” nuk është ndonjëherë më e mira gjë që duhet të bëni. “Mendoni për qëllimin. Pse po e dërgoni? Cili është qëllimi?” thotë Ryan Martin, profesor psikologjie në University of Wisconsin. "Nëse qëllimi është vetëm t'i tregoni dikujt se sa të zemëruar jeni ose ta bëni atë të ndihet keq në njëfarë mënyre, mendoni nëse kjo do t'ju çojë atje ku dëshironi në planin afatgjatë," vijon ai.

Para se të dini se cili është qëllimi juaj, duhet të siguroheni që gjithçka po shkruani të jetë e përshtatur sipas këtij objektivi. Ndonjëherë, dërgimi i një emaili të tillë nuk do të thotë se ju do të përmbushni kështu qëllimin tuaj.  

Jepini vetes kohë përpara se ta dërgoni apo ta çoni virtualisht në koshin e plehrave.

"Një nga aspektet më të mira që lidhet me email-et kundrejt ndërveprimit social është fakti se ju keni kohë. Kështu që, jepini vetes 10 minuta kohë dhe qetësohuni. Më pas rilexojeni me zë ose jepjani një kolegu/eje që ta lexojë,” vijon profesori.

Fakti që doni ta ndani përmbajtjen me persona të tjerë, tregon se ju keni nevojë për mendimin e tyre përpara se ta dërgoni këtë email.

Mendoni pak edhe për detajet, përdorimin e emoji-ve, gjuhën e zgjedhur në këtë email...A do ju ndihmojë ajo të jepni mendimin tuaj apo thjesht do ta lëndojë marrësin e tij?

Më parë, jepini përgjigje këtyre pikëpyetje e më pas vendosni nëse duhet dërguar një email i tillë apo jo!

Liberale Newsroom

Poll
SHQIPENGLISH