Sociale

BIRN: Bizneset shqiptare të shqetësuara për sigurinë kibernetike

Shkruar nga Liberale
BIRN: Bizneset shqiptare të shqetësuara për sigurinë

Raporti i Barometrit Ballkanik zbulon se një numër i lartë biznesesh në Shqipëri kanë shqetësim në rritje sigurinë kibernetike.

Raporti i Barometrit Ballkanik për Bizneset për vitin 2023, ka zbuluar një situatë shqetësuese në fushën e teknologjisë dhe sigurisë në internet në Shqipëri.

Sipas Barometrit, 32 % e bizneseve në vend kanë hasur probleme me viruset kompjuterike gjatë gjashtë muajve të fundit, tre për qind kanë pësuar sulme kibernetike ndaj rrjetit të tyre dhe një për qind kanë qenë viktima të aksesit të paligjshëm.

Sipas këtij raporti, i cili është publikuar nga Këshilli i Bashkëpunimit Rajonal, bizneset në Shqipëri kanë hasur në numrin më të lartë të viruseve kompjuterike në rajon, ku mesatarja është 15%.

Mbi 76% e sipërmarrjeve në vendet e rajonit të Ballkanit Perëndimor përdorin internetin për komunikim të përditshëm dhe rutinë. Kjo përfshin veprimet bankare dhe transaksionet financiare online, të cilat gjithashtu kanë shënuar rritje, duke arritur në 59% në nivel rajonal.

Megjithatë, me këtë rritje vjen edhe një rritje e risqeve të sigurisë në internet.

Pandemia duket se ka luajtur një rol të rëndësishëm në këtë aspekt, duke shtyrë një pjesë të madhe të sipërmarrjeve të operojnë online dhe duke nxitur implementimin e biznesit digjital./BIRN

Liberale Newsroom

Poll
SHQIPENGLISH