Sociale

Ballokumja, simbol i Ditës së Verës/ Receta tradicionale vetëm në Elbasan, sekreti i përgatitjes

Shkruar nga Liberale

Ballokumja, simbol i Ditës së Verës/ Receta tradicionale

Ballokumet janë kthyer simboli i Ditës së Verës gjerësisht në vendin tonë.

Kjo lloj ëmbëlsire e veçantë është gatuar e tregtuar gjithandej nëpër Shqipëri, por shija e tyre e vërtetë mund të dallohet vetëm në qytetin që i krijoi, pra Elbasan.

Ndonëse ballokumja është një traditë e hershme e Elbasanit, vitet e fundit po gatuhet pothuajse në të gjithë qytetet tona. 

Sot, rënia e cilësisë së produkteve ka bërë që edhe ballokumet mos të jenë ato të dikurshmet megjithatë, ne po i përmbahemi recetës klasike.

Këshillojmë të përdoren përbërës të freskët fshati.

Më poshtë receta e përgatitjes së ballokumes: 

Përbërësit: 1 kg miell misri, 500 g gjalpë i freskët, 8 kokrra vezë, pak finjë (ujë i valuar ku është tretur një sasi hiri i situr) dhe 500 gr sheqer.

Përgatitja: Të gjithë përbërësit përzgjidhen në kushte natyrale. Gjalpi i freskët tretet dhe vendoset në enën e ballokumes. Mbi gjalpë hidhet pak e nga pak sheqer dhe të dyja rrihen gjatë nga një lugë druri.

Me pas hidhen vezët një e nga një ndërkohë që rrahja me lugë vazhdon. Pastaj e ka radhën hedhja e miellit të misrit. Mielli i misrit hidhet me ngadalë dhe përzihet vazhdimisht me lugën e drunjtë.

Në masën e formuar hidhet pak finjë zjarri. Rrahja duhet të bëhet me dore. Brumi i formuar nga kjo përzierje merret më lugë druri dhe vendoset ne topa ne tepsi dhe futet në furrë. Piqet dhe shërbehet në formën e kulaçeve.

Liberale Newsroom

Poll
SHQIPENGLISH