Kryeministri Edi Rama e ka nisur ditën me një mesazh në rrjetet sociale drejtuar grave dhe vajzave, pasi muaji Tetor është caktuar si muaji i ndërgjegjësimit për kancerin e gjirit në të gjithë botën, për të rritur vëmendjen dhe mbështetjen për sensibilizimin, zbulimin e hershëm, trajtimin, si dhe kujdesin paliativ të kësaj sëmundjeje.

Ai iu bën thirrje të gjitha grave për të bërë mamografinë falas në rrjetin e poliklinikave dhe spitaleve rajonale në vend.

“Dhe me thirrjen e përvitshme në çdo #TetorRozë për të gjitha gratë dhe vajzat që të marrin fare pak kohë për t’u kujdesur për veten, duke bërë mamografinë falas në rrjetin e poliklinikave dhe spitaleve rajonale në vend, ju uroj një ditë të mbarë”, shkruan Rama.