Politikë

Spartak Ngjela paralajmëron: Sali Berisha do të dënohet dhe do dalë nga politika! Tregon skemën e bashkimit të PD-së

Shkruar nga Liberale
Spartak Ngjela paralajmëron: Sali Berisha do të dënohet dhe do

Avokati Spartak Ngjela, bëri një deklaratë të fortë, ku u shpreh se ish-kryeministri Sali Berisha do të dënohet dhe më pas do të dalë nga politika. kështu sipas tij do të ndodhë dhe bashkimi i PD -së.

Këtë deklaratë ai e tha në "Breaking", Top news. Ngjela tha se e djathta duhet të rigrupohet në një kongres, ndryshe nuk do të mundë të rivalizojnë PS-në.

Mes të tjerash avokati deklaroi se sipas ekspertëve të huaj, me të cilët ka biseduar, në zgjedhje opozita del me 17-18% të votave.

“E djathta duhet të rigrupohet. Nuk ka ombrellë, është kongres. PD-ja duhet të bëjë kongresin e ribashkimit dhe të nxjerrë ekipin e vet. Me njerëz të iluminuar, por edhe shqiptarë nga diaspora me pozicione, atëhere edhe e merr pushtetin, por kështu lodhet kot. E djathta ka nevojë për ide. Nuk ka nevojë për lehje, ide. Idetë e çorientojnë opinionin publik sepse shumica e këtyre është kompakte. Unë e di se çfarë kam hequr për t’i mundur ata.

Shoqëria është e majtë, për arsye që dihen. Ne duhet që në këto momente, politikanët që janë në parlament dhe duan ndryshimin e gjendjes, duhet patjetër që të bëjnë këtë gjë, të bëjnë bashkimin. Bashkimi i të djathtës në një kongres. Ai e sjell gjendjen në një konkurrencë normale kundër socialistëve, se ata janë të pamposhtur. Kam biseduar me ekspertë të huaj, 17-18% del e djathta nga sondazhet.

Ata do ta bëjnë bashkimin sepse do të dënohet Berisha, e do të dalë nga politika. Por a do të kenë kohë? Unë jam avokat, nuk mund të jem për dënime, por e pashë akuzën. Është flagrancë. Do të dënohet, qoftë edhe me muaj. Ikën nga politika”, deklaroi Ngjela.

Liberale Newsroom

Poll
SHQIPENGLISH