Politikë

Shqipëria përballet sot me Spanjën/ Rama "i jep zemër" KOMBËTARES: Forca shqipe, luajmë me skuadrën më të frikshme të grupit!

Shkruar nga Liberale

Shqipëria përballet sot me Spanjën/ Rama "i jep

Kryeministri Edi Rama me anë të një mesazhi të postuar në rrjete sociale, i jep zemër skuadrës së Kombëtares, e cila do të përballet sot me Spanjën.

Ai shkruan se "edhe pse ishim pjesë e “grupit të vdekjes” askush nuk e mendonte që në këtë fazë do të ishim të tretët në grup."

"Askush nuk do ta besonte me mendje - me zemër tjetër punë - që në ndeshjen e tretë të grupit në EURO2024, Shqipëria do të ishte ende në lojë e që ndërkohë do të ishte e treta, jo e fundit në atë që është quajtur botërisht si “grupi i vdekjes”

Eksperienca shumë më e madhe e rivalëve në dy ndeshjet e para bëri të sajën kundër nesh, se përndryshe pozicioni ynë sot mund të kishte qenë edhe më i favorshëm. Po ky është futbolli dhe çdo pishman i sotëm është eksperiencë për të nesërmen????????

Sot përballemi me skuadrën më të frikshme të grupit në një mision që në letër është 100% i pamundur. Por topi është i rrumbullakët dhe në darkë të 12 lojtarët kuqezinj, ata në fushë dhe lojtari ynë i 12-të në shkallët e stadiumit, një ndër më fantastikët e këtij Europiani, nuk kanë absolutisht asgjë për të humbur, po vetëm duhet të luajnë e ta shijojnë deri në fund këtë moment magjik që kanë krijuar vetë????

Cilidoqoftë rezultati i ndeshjes me Spanjën, Kombëtarja jonë e re do të dalë me kokën lart e me një eksperiencë shumë të çmuar në nivelet më të larta sportive, e cila do t’i shërbejë që të rritet, të fitojë besimin dhe personalitetin e domosdoshëm për t’u përballur me sukses në sfidat e këtyre niveleve, duke na dhuruar të tjera kënaqësi të veçanta si kjo e EUR2024-ës", shkruan Rama. 

Liberale Newsroom

Poll
SHQIPENGLISH