Kryeministri Edi Rama e quan superpromovim ndërkombëtar mediatik artikullin e tabloidit gjerman “Bild” për Shqipërinë, i cili na rendit në krye të destinacioneve për të udhëtuar gjatë këtij viti.
Përmes një postimi në rrjetin social “Facebook”, Kryeministri Rama shkruan se 356 mijë vizitorë nga Gjermania kanë udhëtuar drejt Shqipërisë deri në Nëntor.
Kreu i qeverisë shton se po përgatitemi që gjatë muajit Mars të prezantohemi si fytyra e ITB Berlin 2025, panairit më të madh në botë për turizimin.
“Superpromovim ndërkombëtar mediatik nga tabloidi gjerman “Bild” që na rendit në krye të listës së destinacioneve për të udhëtuar gjatë këtij viti. 356 mijë vizitorë nga Gjermania kanë udhëtuar drejt Shqipërisë deri në Nëntor, ndërsa po përgatitemi që gjatë muajit Mars të prezantohemi si fytyra e ITB Berlin 2025, panairit më të madh në botë për turizmin”, shkruan Kryeministri Rama.
